• 1021

    Ядуу монголчуудаа “Баян Монгол”-оор хуурчихаад одоо юун залуус вэ, Лу.Болд гишүүн ээ


    УИХ-ын гишүүн Лу.Болд залуусыг улс төрд оруулах квот бий болгоно хэмээн ам нээх тоолондоо хэлэх боллоо. УИХ-ын сонгууль ойртохын хэрээр хэвлэл, мэдээллийн салбар дахь өөрийн гал голомтыг хүчирхэгжүүлж буй түүний хувьд энэ мэт уриаг олон нийтэд дамжуулах нь амар хялбар байх нь ойлгомжтой. Тэр хэрээр сонгогч залуусаас оноо авч, дараагийн УИХ-д сууна хэмээн итгэсэн байх. Тэгвэл уучлаарай, гишүүн ээ. Таны УИХ-ын 2008 оны сонгуульд Ардчилсан намаас нэр дэвшихдээ амласан “Баян Монгол” корпораци тань хаа байна аа. Монгол хүн бүрийг баян болгох тухай тэр үед ярихдаа тэрбээр “Монгол айлыг эх орон шигээ хүчирхжүүлэхийн тулд “Баян Монгол” төслийг боловсрууллаа. Монгол хүний амьдралын чансаа улсынхаа тэнхээг дагаж, дэлхийд эхний гурваа байг гэхэд аравт багтах үүд хаалгыг “Баян Монгол” корпораци төсөл нээж байгаа юм. Ашигт малтмалаас олох цэвэр ашиг ойрын зургаан жилд 25 дахин өснө. Нэг хүнд ноогдох ДНБ ирэх найман жилд зургаа дахин нэмэгдэх бодит тооцоо гарсан байна. “Баян Монгол” корпораци бол Ардчилсан намын Эрдэнийн хувь хүртээх зорилтын үндсэн арга билээ. Энэ хөтөлбөр бол Монголд байгаа баялгийг монгол хүн бүрт хүртээх хөтөлбөр мөн. Энэ хөтөлбөр бол эзэнтэй юмыг эзэнд нь өгөх хөтөлбөр. Манай орны 50 гаруй ордод байгаа байгалийн баялгийг эдийн засгийн эргэлтэнд оруулж өнөөдрийн ханшаар үзэхэд 186 тэрбум ам. доллар болж байна. Нэг хувьцааг нь 100 ам. доллараар үнэлээд 2.6 сая хүндээ хуваагаад үзэхэд нэг хүнд 361 хувьцаа буюу 36,122 ам. доллар, хөрвүүлээд үзэхэд 40 орчим сая төгрөгийн хөрөнгө ноогдож байгаа юм” хэмээн ярьсан. Тун чиг гоё яриа байгаа биз. Харамсалтай нь, УИХ-ын гишүүн болохтойгоо зэрэгцэн тэр амлалтаа мартаж, өнөөдрийг хүртэл энэ тухай асуултаас зайлсхийсээр ирсэн нь нууц биш. Уг нь тэрбээр хувь хүнийхээ үг, үйлдээ эзэн байсан бол өнөөдөр монголчууд өнөөдөр бүгд баян биш юм гэхэд сэтгэл хангалуун дундаж давхаргад багтаж чадах л байсан байх. Дараа нь тэрбээр Хан-Уулын газар нутгийг иргэдэд хувьчлах тухай сайхан яриаг бас л өгсөн. Гэтэл одоо яасан байх нь вэ. Өнөөдөр Богд уулын арын бэлийг Монголын толгой баячууд хуваан авч, том том хашаа хатгачихсан. УИХ-ын 2012 оны сонгуулийн дараа Лу.Болдод итгэсэн Хан-Уулчууд бүгдээрээ газар хатгахаар майхан барьж хоноглосон ч цагдаагийн хүчээр тараагдсан. Иргэндээ өгөөгүй газраа баячуудад өгнө гэж тэд яахан итгэх билээ. Ийн алга урвуулахын дайнд худлаа ярьж, сонгогдож ирсэн тэрбээр өдгөө залуучуудын квотыг улстөрд албажуулах тухай яриад ирлээ. Ардчилсан намд итгэж ажиллаж, Ардчилсан намын төлөө зүтгэж ирсэн залуучууд нь намаа ялалт байгуулахтай зэрэгцэн хаалганы гадна талд түлхэгдэн гарч, гудамжаар уур бухимдалтай сэлгүүцэн байхад шүү. Иймд сонгууль, сонгуулийн өмнө сэр хийтэл худлаа пиар зохиож, сонгуулийн дараа түүнийг нь тодруулах гэсэн сэтгүүлчийн асуултаас зайлсхийдэг УИХ-ын гишүүн Лу.Болдоос итгэл эвдэсний төлбөрийг нэхэмжилбэл яасан юм бэ, сонгогчид оо.

    Дэлгэрэнгүй >>

  • 2039

    Ардчилсан намынхнаас айж байна


    УИХ дахь Ардчилсан намын бүлэг энэ сарын 9-ний өдөр Их тэнгэрт “Эв нэгдлийн хурал” хэмээх сүрт хуралдаан хийжээ. Нэр бүхий таван гишүүн хөдөө нутагт хүлгийн жолоо залаагүй тул оролцож чадаагүй гэнэ. Харин УИХ-ын гишүүн Н.Алтанхуяг, Х.Баттулга тэргүүтэй зөрчилдөгч талууд нүүр тулан уулзаж, эв нэгдлийн үнэн чухгийг ярилцан учир зүйгээ олсон юм байх. Гэсэн ч хуралдааны будаалга дуусахтай зэрэгцэн УИХ-ын гишүүн Х.Баттулгын эсрэг явуулж буй баривчлах ажиллагаа эрчимжиж хоёрын зэрэг хүнийг нь баривчилчихаж. Ингээд эв нэгдэл хоёр өдрийн дотор сарниж, тэрбээр өдгөө “Баянгол” зочид буудал дахь нуувчнаасаа олон нийтээс хамгаалалт, дэмжлэг хүсэв. Нэг удаагийн жиргээ нь нийт монголчуудыг биш юм гэхэд өөрийг нь дэмждэг олныг бүрдүүлж, Монголын жүдо бөхийн холбооны тамирчид хаалга таглан зогсох нь гайхмаар сүртэй. Гэхдээ түүний хувь эзэмшдэг “Түмэн хишигтэн”, компанийнх нь данс тооцоог шалгахын тулд Цагдаагийн ерөнхий газрынхан тусгай албаныхныг “Баянгол” зочид буудалд байршуулсан нь бүр ч сүртэй. Нэг компанийн данс тооцоог шалгахын тулд тусгай албаныхны хамгаалалт гардаг болсноос үүдэхэд ер нь тусгай хамгаалалт гэгч оёгүй чухал алба болж таарч байгаа биз. Үүнийх нь эсрэг УИХ-ын гишүүн Ж.Батзандан, Д.Гарамгайбаатар, Г.Уянга, Д.Ганбат, Л.Эрдэнэчимэг нарын гишүүд мөн л түүний эзэмшлийн зочид буудалд албан бусаар хамгаалалтад гарлаа. Тэд дор бүрнээ “УИХ-ын гишүүний бүрэн эрх хаачив” хэмээн мэдэгдэг ч угтаа компани нь эрхэм гишүүний бүрэн эрхэд хамаардаггүй гэдгийг хараахан ухаж ойлгосонгүй. Цаашлаад дор хаяж зуун хүний өргөдөл цуглуулж байж шалгах, нягтлах ажилдаа ордог УИХ-ын Өргөдөл гомдлын байнгын хорооны дарга Ж.Батзандан түргэн шуурхай утасны дуудлагаар гүйхээрээ очсон нь хачин сонин үзэгдэл байв. Гэхдээ монголчууд түргэн тусламжаас ч хурдан ирдэг УИХ-ын гишүүнтэй боллоо гэж баярласан нь юу л бол. Өвдөхөд, уйлахад, эрх зөрчигдөхөд үл огоордог гишүүн л байлаа шүү дээ, тэрбээр саяхныг хүртэл. Гол нь үйл явдал тэгээд ямар дүгнэлт рүү түлхэж байна вэ. Таван намаас нэгдэж байгуулагдсан зовлон нь 20 жилийн дараа татраа нь үгүй Ардчилсан намынхны бэрхшээл энэ өдрөөс эхлэн улам бүр даамжрах нь татрахаа боллоо. Хүнд өвчтнөөр бол хагалгааны ширээн дээрээс эсэн мэнд босох эсэх нь ч эргэлзээтэй. Тэр дундаа УИХ-ын сонгуулийг хагалгаа гэж бодвол ч ээдээ бас л хэцүүхэн нөхцөл байдал үүсэхээр байгаа биз. Иймд Ардчилсан намынханд алтан шаахай өмсгөж, амин зуулгыг нь дэмжээд ч хэрэг алга бололтой юм. Учир нь, тэд ханадаггүй, цаддаггүй Алтан загасны үлгэрийн эмгэн ажээ... Ард түмнийг талцал руу түлхсэн улс төр нь арай дараагийн долоодугаар сарын 1-рүү түлхэх юм биш байгаа даа. Айж л байна шүү, та нараас.

    Дэлгэрэнгүй >>

  • 9987

    Төрийн банкаар “Жаст”-ын Батхүүгийн өрийг төлүүлэх үү


    Эдуардын Сүрэн гэгчээс “Жаст Групп” ХХК-ийнЕрөнхийзахиралШ.Батхүүгийн2010 ондзээлсэн гэх32 сая 855 мянган ам.долларын зээлийн төлбөрийг буюу тухайн үеийн ханшаар 51 тэрбум 596 сая төгрөгийгТөрийн банкаар төлүүлэх шийдвэрийг 2013 онд Сүхбаатар дүүргийн шүүхээс гаргасан нь нийтэд ил болоод байна.

    Дэлгэрэнгүй >>

  • 2242

    Ц.Нямдорж, Х.Баттулга нар уулзаагүй гэнэ


    УИХ-ын гишүүн Х.Баттулгыг УИХ-ын гишүүн Ц.Нямдоржтой уулзсан тухай мэдээлэл хэвлэлээр гарсан. Тэгвэл энэ талаар УИХ-ын гишүүн Ц.Нямдорж “Би Х.Баттулгатай уулзаагүй.

    Дэлгэрэнгүй >>

  • 896

    20 жилийн ойн дээрх эмгэнэлт жүжиг


    Тэртээ 1996 оны 02-р сарын 19-нд МҮАН, МСДН 2 нэгдэж Ардчилсан холбоо эвсэлийг бүрдүүлж 1996 оны сонгуульд ялалт байгуулж, УИХ-д олонх болж байсан түүхтэй.

    Дэлгэрэнгүй >>

  • 765

    АН-ын биднээс дээрэмдсэн он жилүүд


    -Та бидний үнэт зүйлийг, сайхан амьдрах мөрөөдлийг дээрэмдчихээд одоо дахин өөрсдийнхөө төлөө жагс хэмээн үүрэгдэх тэд хэн юм бэ-

    Дэлгэрэнгүй >>

  • 2569

    Ерөнхийлөгч Ц.Элбэгдоржийн арван “нүүр”


    Ерөнхийлөгч Ц.Элбэгдорж хэн юм бэ. Монголын улс төрд 25 жилийн турш дархлагдаж, ардчиллын туг мэтээр үнэлэгдэж, хүндлэгдэж ирсэн түүний талаар хэн ямар үг унагав. Энэ тэмдэглэл уншигч таны байр суурийг хөтлөхгүй ч гэлээ нэгэн дороос түүний талаарх багц дүгнэлтийг уншвал сонирхолтой байж мэдэх юм. Иймд нэгтгэн хүргэе.

    Дэлгэрэнгүй >>

  • 1096

    Р.Гончигдоржид төлөх монголчуудын өр хэзээ дуусах вэ


    УИХ-ын дэд дарга Р.Гончигдорж монголчуудын хувьд ардчиллын алтан хараацай.

    Дэлгэрэнгүй >>

  • 1068

    УИХ, Ерөнхийлөгч хоёр “зодолдож“ буйг тэдний үг нотлов


    “Монголын эдийн засгийн чуулган 2016” чуулга уулзалтаар уг нь хөрөнгө оруулагчид болон Монголын бизнес эрхлэгчид тоо, тоо бас дахин тоо ярина хэмээн итгэсэн байх. Харамсалтай нь, эл чуулганыг тоо бус улс төр хөтөлж, хөрөнгө оруулагчдад урьд хожид баймгүй монгол төрийн хэрүүлийг ил болгон нүд, чихийг нь бүлтийлгэв. Ийм үг сонссон хөрөнгө оруулагчид манай улсад хөрөнгө оруулах нь бүү хэл хурдхан шиг хаалга, үүдээ түгжээд гарч зугтахыг хүссэн нь тодорхой. Дээрээ учраа олоогүй байхад доороо гүйдлээ олно гэж байхгүй нь аль хэдийнэ ил тод болгосон болохоор арга ч үгүй. Тэгвэл хөрөнгө оруулагчдыг үүргэвчээ үүрч, дансаа хаан зугтахад хүргэхээр Ерөнхийлөгч Ц.Элбэгдорж, УИХ-ын дарга З.Энхболд нар юу гээд хэлчихэв вэ. Асуудлыг тодорхой болгох үүднээс тэдний үгийг агуулгаар нь нэгтгэн хүргэе.

    Дэлгэрэнгүй >>

  • 1214

    Залуусаа оймс шидтэл нь битгий зовоо, З.Энхболд дарга аа


    Амьдрал баян. Улс төрийн үйл явдал ч өрнүүн дэлгэр. Түүний илрэл нь оймс шидэж ажиллагаа. Лав Ардчилсан намыг шинэчлэхийн төлөө сүүлийн гурван жил чадлаараа хашгирч, сууж, тэмцэж байгаа Л.Наранбаатарын

    Дэлгэрэнгүй >>