БНХАУ-ын Банкны холбооны мэдээлснээр, 2017 оны сүүлийн байдлаар тус улсад 7.03 тэрбум ширхэг банкны карт олгосон бөгөөд өнгөрсөн оны мөн үетэй харьцуулахад энэ үзүүлэлт 10.3 хувиар өсчээ. Энэ нь нэг хятад иргэн дор хаяж банкны таван карт эзэмшдэг гэсэн үг юм. Өнгөрсөн онд Хятадад банкны төлбөрийн картны тусламжтай 149 тэрбум удаагийн арилжаа, худалдаа хийсэн бөгөөд энэ нь 2016 оныхоос 29.4 хувиар өссөн гэсэн үг аж. Энэ арилжаа худалдааны нийт өртөг 735 их наяд юань буюу 113 их наяд ам.доллар байна. “Банкны картны хэрэглээний үзүүлэлт дөрвөн жил дараалан ийнхүү өсчээ. Хятадын Банкны холбооны Ерөнхий нарийн бичгийн дарга Хуан Жуньчун энэ өсөлт хэрэглээний зах зээлийн өсөлт, шинэчлэлд чухал нөлөө үзүүлж буй гэдгийг онцлов.