Үерийн усаар бий болсон лаг, хагшаасыг цэвэрлэж байна

2022-06-21 13:22:44

Өнгөрсөн амралтын өдрүүдэд орсон хур тунадасны улмаас үерийн хамгаалалтын далан сувгуудад лаг, хагшаас ихээр хуримтлагдсан. Геодези, усны барилга, байгууламжийн газраас лаг, хагшаасыг цэвэрлэж, ус чөлөөтэй урсах нөхцөлийг бүрдүүлэн ажиллаж буй.

Тухайлбал, Сонгинохайрхан дүүргийн 2, 4, 20, 23-р хороонд байрлалтай “Алтан жолоо" импексийн өмнөх Бага Нарангийн үерийн далан суваг, Чингэлтэй дүүргийн 11, 12-р хороонд байрлалтай Баруун уулын суваг гаргалгаа бөглөрсөн байсныг цэвэрлэн, төвлөрсөн хогийн цэг рүү тээвэрлэж байна.

Үерийн хамгаалалтын далан суваг болон ус зайлуулах шугам сүлжээний дийлэнх бохирдлыг иргэдийн ахуйн хог хаягдал үүсгэж байгаа бөгөөд энэ нь үер болох эрсдэлийг нэмэгдүүлж байгаа юм. Иймд иргэн та үерийн хамгаалалтын далан сувагт хог битгий хаяарай.

ГЕОДЕЗИ, УСНЫ БАРИЛГА, БАЙГУУЛАМЖИЙН ГАЗАР

      
АНХААРУУЛГА: Уншигчдын бичсэн сэтгэгдэлд Ipost.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 95050503 утсаар хүлээн авна.

Сэтгэгдлүүд :





(0/800)