Хотын асуудлыг шийдвэрлэх 2 дахь хакатон болох "Автомашин хуваалцах шийдэл боловсруулах" хакатон арга хэмжээ амжилттай болж өндөрлөлөө. НБИХГ-ыг дарга Б.Бат-Өлзий, "Улаанбаатар хотын хөгжлийн корпораци" ХК-ийн Төслийн удирдагч Н.Дашдэмбэрэл, МУ-ын Зөвлөх инженер Д.Санжсүрэн, НЦХМТГ-ын Технологи систем хөгжүүлэлтийн хэлтсийн дарга Б.Чойжилсүрэн, МҮОНТ-ийн Санхүү, хөрөнгө оруулалтын газрын захирал О.Гомбожав нар шүүгчээр ажиллаж шилдэг шийдэл гаргасан 3 багийг танилцууллаа.

1-р байр "Stood"

2-р байр "Carpool Mongolia"

3-р байр "Algorighm Avengers" багууд тус тус шалгарлаа.

Мөн "Улаанбаатар хотын хөгжлийн корпораци" ХК-ийн Төслийн удирдагч Н.Дашдэмбэрэл "Carpool Mongolia" багийн шийдлийг Төр, хувийн хэвшлийн түншлэлийн хүрээнд хамтран хэрэгжүүлэх боломжтойгоо илэрхийлсэн бол МУ-ын Зөвлөх инженер Д.Санжсүрэн тус хакатонд оролцсон шилдэг багуудад үнэ төлбөргүй зөвлөх үйлчилгээ үзүүлж дэмжиж ажиллахаа илэрхийллээ.

Дататонд оролцож эрдэм мэдлэг, ур ухаанаа шавхсан багууддаа Амжилт хүсье.